NADAL 2009
Mércores, 20 de Xaneiro de 2010
Este ano, a causa das obras, non houbo Festival de Nadal. Sen embargo, os nenos e nenas traballaron con moita ilusión aínda que non puideran subir ao escenario.
Os alumnos e alumnas de 4ºC deixaron voar a súa imaxinación para crear un Belén ecolóxico con lixo e produtos da terra: patacas, grans de café, follas de plátanos e ourizos. O resultado foi espectacular. Todos os que entraban no colexio quedaban abraiados ao velo. E, como non, recibiron unha “MENCIÓN HONORÍFICA” da Asociación de Belenistas.
Ademais, os nenos e nenas de E.I e 1º Ciclo celebraron o tradicional “Canto de Reis” indo polas clases; cantaron panxoliñas, xuntándose por ciclos, a carón do Belén.
Non podemos esquecer a visita do axundante de Papá Noel cargado de regalos.
Esta presentación rquiere Flash Player 9