SEMANA DA ELABORACIÓN DO PAN
Esta semana remataremos o ciclo do pan facendo de panadeiros e panadeiras.
Cada neno e nena de E Infantil e de 1º ciclo de Primaria fará o seu boliño seguindo os pasos fixados na receita que xa escribimos: 1º amasar, 2º levedar, 3º dar forma ao pan e 4º fornear. Contamos cun forno cedido pola panadería SOTO do barrio.
Cada día desta semana tres clases realizarán esta actividade:
- O luns correspóndelles aos nenos e nenas de 1º de Primaria.
- O martes, aos de 2º de Primaria.
- O mércores aos nenos e nenas de 5 anos de E Infantil.
- O xoves, aos de 4 anos de E Infantil.
- O venres aos nenos e nenas de 3 anos de E Infantil.
Unha vez cocido o boliño feito coas nosas mans, comerémolo con moito gusto.